Entèlijans atifisyèl nan sèvis edikasyon an Ayiti

Pou pwofesè yo : yon egzamen pare nan kèk minit

• Kreye yon egzamen pandan w ap diskite ak asistan an : ou dekri matyè a, klas la ak sa ou vle evalye, epi IA a pwopoze kesyon ou ka aksepte, modifye oswa refize.
• Nimerize yon egzamen ki ekri alamen : ou pran fèy ou ekri alamen yo an foto (oswa ou voye yon PDF), epi IA a ranmase tout kesyon yo yon sèl kou. Yo parèt sou yon fèy pwòp, e ou ka modifye yo youn pa youn. Pasaj ki difisil pou li yo make « Pou verifye ».
• Yon fèy pare pou enprime, ak antèt lekòl la ak yon korije apa, an franse, an kreyòl, an angle oswa an panyòl.

Pou elèv yo : yon titè ki disponib nenpòt ki lè

Titè IA a esplike yon leson, repase yon egzèsis etap pa etap epi reponn kesyon elèv la. Elèv la ka voye foto yon egzèsis oswa yon dokiman ba li, e menm pale avè l awotvwa. Titè a disponib ak yon abònman (ou ka peye l ak MonCash) oswa gras ak kredi lekòl la bay elèv li yo.

Prepare egzamen ofisyèl (egzamen leta) 9yèm ane fondamantal

Plis pase 3 400 egzèsis ki soti nan sijè ofisyèl 2010 rive 2025, nan 9 matyè : matematik, syans eksperimantal, syans sosyal, franse, kreyòl, angle, panyòl, edikasyon nan teknoloji ak edikasyon estetik ak atistik. Yo klase pa nosyon, dapre pwogram MENFP yo, pou elèv la travay egzakteman sa ki manke l. Chak korije IA a pwopoze rete make toutotan yon pwofesè poko reli l.

Yon IA ki byen ankadre

• Pwofesè a reli, modifye epi valide tout sa IA a pwopoze.
• Sa ki pa sèten toujou make, li pa janm prezante kòm si li te sèten.
• Done chak lekòl rete separe ak done lòt lekòl yo.